Quizena y o Castiello de Mont Aragón (Uesca) : Historia y cultura d'un lugar
Quizena
Histórica y Cultural

Ermita de Sant Pietro Mártir


Situada en o Camín Viello, a las afueras de Quizena, quedan as restas visibles d'o que fuo una ermita meyeval (sieglos XIV-XV). 

Fotografía: Ermita de San Pietro Mártir (Quizena) 
(Foto: S. Baso Simelio, c. 1926-1929. Fototeca d'a Diputación de Uesca)

 

Por o que se puede apreciar en as suyas ruinas, yera de planta quadrada y de piedra arenisca, con dos u tres filadas de sillares d'arenisca en as suyas flancos este y ueste, os suyos costaus millor conservaus. Teneba un contrafuerte en un d'os suyos laterals, asinas como un chicot vano d'iluminación. 



Cada anyo, o 29 d'Abril, festividat d'o Mártir Pietro de Verona, s'iba en romería a la ermita de San Pietro Mártir (agora en ruinas) a las afueras de Quizena, a qui se le imploraba ta favoreixer a plevia. Seguntes conta a historia, o Santo fació plever ta convencer a un hereje que le heba desafiau.

Por escritos y fuents orals en fichero, se sabe que a Ermita de San Pietro Mártir de Quizena sirvió como cubillar a soldaus d'o bando republicano en a Guerra Civil Espanyola (1936-1939).