Quizena y o Castiello de Mont Aragón (Uesca) : Historia y cultura d'un lugar
Quizena
Histórica y Cultural

Retablo de Montaragón


RETABLO D'O CHUDICIO FINAL

Por a suya singular importancia cal dastacar o retablo que ocupa o presbisterio d'a Seu de Uesca, colocau astí ta que servise a os cultos parroquials. Se tracta d'o que se trobaba en a ilesia abacial d'o Monesterio de Montaragón, que estió tresladau dende o castiello-abadía a la seu oscense y, una vez concluida a construcción d'a parroquia, instalau en ella.

Estió mandau labrar por l'abad de Montaragón, Don Alonso d'Aragón, fillo natural d'o rei don Fernando o Catolico y administrador apostolico d'a Mitra de Zaragoza, obstentando asinas en o basamento las armas correspondients a la casa real d'Aragón, chunto a las d'o Monesterio.  

En l'anyo 1506, a 16 de Julio, Gil Morlanes suscribió a capitulación ta labrar o retablo, con o Capitol d'o monesterio, debant d'o notario de Uesca, Felipe de Lizana. 

Tendría trenta palmos d'altura por vinte d'amplaria, en alabastro, con polseras de madera y policromadas las figuras. Se pactó que as cinco historias d'o bancal serían tres de bulto y dos de meyo bulto. Dorado en pináculos, polsera, etc. 

O pre conveniu estió vintitrés mil sueldos pagaus en quatro tandas, dende l'anyo 1507, en que empecipió a obra, dica o 1509, en que la remató.

O zócalo va exornado con seis columnas, y entre as extremas van os ditos escudos d'armas de don Alonso, en o costau de l'Evangelio, cuartelado:

  • Primero y quarto; castiellos y leones
  • Segundo y tercer; gayatas d'Aragón, aligas y palos de Sicilia
  • En a punta; La Granada/La Granada.


Y d'o monesterio:

  • En l'oposau; Castiello de tres torres almenadas.
  • Debaixo; L'Agnus Dei pasante ent'a cucha.
  • Dezaga; a banderola.

Dencima, sobre a cornisa, o bancal, con as scenas (de cucha a dreita):

  • a Epifanía.
  • a Predicación de Santo Victorián entre os suyos monches.
  • a solitut d'a Virchen.
  • a degollación d'os Innocents.
  • a Resurrección.


Cada hornacina leva o suyo guardapolvo de fina crestería, deseparadas entre ell por pináculos, y en cadagún d'istes, dos apóstoles.

En as quatro zagueras composicions reseñadas, como en a decoración y en os escudos d'armas, acaso intervendría o colaborador de Morlanes, Pietr d'Amberes.

O cuerpo prencipal consta de tres grans compartimentos limitaus por quatro pináculos con santas mártires sobre ménsulas y baixo doseletes de prolixa labor.

O paño central ofreix a scena d'o Chudicio Final. Jesucristo, posau entre bienaventurados, empara os suyos pietz en a bola d'o mundo. Debaixo, un anchel y un demonio se fan cargo d'os chudgaus por o Sinyor.

O comportamiento d'o costau de l'Evangelio represienta a Transfiguración; Jesucristo entre Moisés y Elías en presencia d'os apóstoles San Pietro, San chuan y Santiago, que son debaixo, veyer en o fondo de l'amonte Tabor.

O tercer compartimento (costau d'a Epístola) figura l'Ascensión d'o Sinyor entre ángeles, y debaixo os apóstoles, extáticos. Grans doseles de minuciosa crestería protechen istas impresionants scenas.

D'arquitectura encara gotica, os relieves corresponden ya a o estilo renacentista, con suaus rostros finament modelaus y serenas posicions, encara que o esquema compositivo perteneixca encara anclado en arquetipos goticos. O retablo de Montaragón represienta l'encieto de renacimiento escultorico en o Reino.

Este sitio web fue creado de forma gratuita con PaginaWebGratis.es. ¿Quieres también tu sitio web propio?
Registrarse gratis