Toponimia

A toponímia ye una disciplina d'a onomastica que consiste en o estudeo etimolochico de los nombres propios d'un puesto. a calendata d'a primera mención de Quizena en un escrito, data de l'anyo 1086.

Nombres con el qual s'ha documentau o municipio: 

• Quicena 

• Quizena

• Cacena

• Kizena

• Caçena

• Kezena

• Quisena

•  Quiseno

  
  

I hai quantas hipotesis por el qual o termin Quizena derivaría de: 

Una referencia bibliografica que lo qualifica como prerromano con o significau de "Casa(s) d'o robledo"

Y como celtibérico "Puesto de viñas"

A resta d'investigadors lo consideran latino.

• Seguntes  Chosé Vicent Torrente, Sertorio habió de devantar un buen exercito si s'ha de chudgar por los nombres d'os lugars que vienen d'a numeración d'as suyas legiones, pus si Cuarte se dir asinas en memoria d'a quatrena legión, Tierz alude a la tercera, Quizena a la quinta legión, Siétamo a la setena  y Nueno a la nuena. D'ista forma, tot aquell que en Osca dase paso que no le fese goyo a Sertorio, podeba trobar d'a nueit a o maitín con o retiene d'os hombres armaus disposaus a pedir cuentas.
  

• Unatra investigación de l'orichen latín d'o nombre de Quizena, sería o que derivaría de quindecim = quince, con o que o toponimo aludiría a o decimoquinto milario d'a calzada romana d'Osca a Ilerda, a quince millas de Uesca.

• Y l'atra veye o suyo orichen en l'antropónimo Cacius+ena que indica "puesto de", con o que se tractaría d'o nombre d'o suyo poseedor. a evolución d'o toponimo habría estau a siguient: Cacius, Caciena, Caicena, Quecena, Quicena.